Ар бир бала дени сак жашоого укуктуу. Эгерде өз өлкөңүздө жардам ала албасаңыз же керектүү дары-дармектер жок болуп жатса отуруп калбаңыз. Биздин “Өмүр үчүн” долбоорубуз оор абалдагы балдарга жогорку квалификациялуу медициналык жардам алууга жардам берет.

Багытыбыздын максаты:

• Катуу ооруп жаткан балдарга даректүү жардам көрсөтүү – дарылоо үчүн каражат чогултууга эсеп ачуу же кымбат баалуу дары-дармектерди сатып берүү;
• Программаны өнүктүрүү жана муктаждыктар үчүн резервдик фондду түзүү - кээде балдарга чукул консультация же атайын эсеп ачууга такыр убакыт болбой калат. Мындай учурларды эске алып, тез жардамга муктаж болгон балдарга өз убагында жардам берүү үчүн резервдик фонд түздүк.

Биздин миссия – оор абалдагы балдарга жогорку квалификациялуу жардам көрсөтүү. Бардык балдардын үй-бүлөсүндөгү материалдык абалына карабастан айыгууга мүмкүнчүлүгү болушу керек.

"Өмүр үчүн" багыты боюнча жардам алуу үчүн бизге жазыңыз же өтүнүч калтырыңыз.